AURKEZPENA

Sekuentzia didaktiko honen asmoa da ikasleak ikusteko urritasuna eragiten duten faktoreak ezagutzea eta zer mailatan gara daitezkeen jakitea. Halaber, ikusteko urritasuna duten pertsonen beharren eta aukeren aurrean ikaslea sentikor agertzea da helburua. Helburua da ikuspegi positiboa ematea, eta arazoak konpontzeko modura (eragozpen arkitektonikoak, esaterako) mugatzea eta urritasun hori duten pertsonekin elkarbizitza normala izan dezagun sustatzea.

HELBURUAK

• Ikusmen-urritasunaren ezaugarriei eta ikusteko urritasuna duten pertsonak moldatzeko beharrezkoak diren laguntza teknikoei buruzko informazioa ematea.
• Ikusteko urritasuna duten pertsonek eguneroko jarduerak egitean dituzten arazo eta zailtasunen aurrean sentikor agertzea.
• Banakako eta taldekako kontzientzia sustatzea ikusteko urritasuna duten pertsonekin, gizarte inklusiboa lortze aldera.
• Ikusteko urritasuna duten pertsonen gizarteratzea sustatzea eta bizi-kalitatea hobetzea.
• Ikusteko urritasuna duten pertsonekin amultsutasun, enpatia eta laguntza izaera sustatzea.

EDUKIAK

KONTZEPTUAK	PROZEDURAK	JARRERAK
Ikusmen-urritasun motak Ikusteko urritasunaren arrazoi posibleak Ikusteko urritasuna duten pertsonen higiene pertsonaleko ohiturak Kolorimetroa Daltonismoa Ikusteko urritasuna duten pertsonen irisgarritasunean laguntzen duten neurriak Txakur gidaria Etxeko egokitzapenak ikusteko urritasuna duten pertsonak	Ikusteko urritasuna duten pertsonen irisgarritasun-arazoak konpontzeko irtenbideak bilatzea Eguneroko bizitzako arazoak aztertzea ikusteko urritasuna duten pertsonekin Itsuen sarbidea eragozten duten kaleko eragozpen arkitektonikoak identifikatzea	Ikusteko urritasuna duten pertsonen beharrak baloratzea Itsuen sarbidea eragozten duten oztopo arkitektonikoen azterketa kritikoa egitea Ikusteko urritasuna duten pertsonen eskubideak defendatzea Enpatiazko jarrerak izatea ikusteko urritasuna duten pertsonekin

METODOLOGIAREN PLANGINTZA Sekuentzia didaktikoa gaikako lau bloketan egituratuta dago: EGUNERO GARBITZEN DUT NEURE GORPUTZA EGUNERO JANZTEN NAIZ EGUNERO IRTETEN NAIZ KALERA NOLAKOA DA NIRE ETXEA? Sekuentzia didaktikoaren hasieran sarrera orokorra dago, gogoeta egiteko zenbait galderarekin eta gaikako bloke bakoitzerako estekarekin. Ikasleak egoki deritzon ordenan landu dezake gaikako bloke bakoitza. Unitatearen amaieran, behin gaikako lau blokeak landuta, sakontzeko bi jarduera eta autoebaluazio-galdeketa proposatzen dira.

GAITASUNAK Irakasleak, egindako jardueren bidez, gaitasun hauek garatzen lagundu beharko dio ikasleari: Gizarterako eta herritartasunerako gaitasuna Kultura zientifiko eta teknologikorako gaitasuna Hizkuntza-komunikaziorako gaitasuna Informazioa tratatzeko gaitasuna Teknologia digitala erabiltzeko gaitasuna Kultura- eta arte-gaitasuna Ikasten ikasteko gaitasuna Norberaren autonomiarako eta ekimenerako gaitasuna

BALIABIDEAK

	BALIABIDEAK
0. Sarrera Gogoeta egitea Sakontzea: taldeka ikertu eta elkarrekin esperimentatuko dugu Autoebaluazioa	Acceedu: bazkaltzeko ordua Autoebaluaziorako galdeketa
1. Egunero garbitzen dut neure gorputza Banakako jarduera (1) Taldekako jarduera (1)
2. Egunero janzten naiz Banakako jarduera (4)	Marrazkia: “Silueta” Acceedu: Daltonismoa
3. Egunero irteten naiz kalera Banakako jarduera (5) Taldekako jarduera (2)	Word taula: Oztopo arkitektonikoak Smart: Gomendioak Acceedu: kaleko soinuak
4. Nolakoa da nire etxea? Banakako jarduera (1) Taldekako jarduera (1)	Word taula: Etxea

EBALUAZIOAREN PLANGINTZA

Ebaluazio formatiboa proposatzen da. Besteak beste, ikerketa-lanak berrikusiko dira, eta elkarrekin egindako lanetan duten partaidetzaren eta jardueretan lortutako emaitzen jarraipena egingo da.

Hartarako, zenbait ebaluazio-irizpide aurkezten dira, ikasleak zer ebaluatuko zaion jakin dezan eta irakasleak ebaluazioa egiteko erreferentzia bat izan dezan.

Hauek dira ebaluazio-irizpideak:

• Badaki zein diren ikusmen-urritasun motak eta haien arrazoiak.
• Ulertzen ditu ikusmen-urritasuna duten pertsonek eguneroko jardueretan dituzten beharrak.
• Baloratzen du ikusmen-urritasuna duten pertsonen eskubideak defendatzearen eta gizartean normalizatzeko borrokaren garrantzia.
• Ezagutzen ditu ikusmen-urritasuna duten pertsonek etxean eta kalean dituzten tresnak irisgarritasuna eta autonomia errazteko.
• Berak bakarrik ikertzen du, sareko hainbat informazio-iturri erabilita.
• Egiten ditu informazioa laburtzeko eta haren analisi kritikoa egiteko jarduerak.
• Laguntzen du lantaldean lanak egiteko.

Halaber, autoebaluazio-galdeketa bat eskura du ikasleak, ikasitakoaren maila eta taldekako jardueretan izandako inplikazio-maila ebaluatzeko.