Gure sinesmenek neurri handi batean baldintzatzen dute errealitatea ikusteko dugun modua. Sinesmen horiek gure eguneroko bizimoduan ikasten ditugu, eta geure inguruneko pertsonekin ditugun harremanen eta komunikabideetatik jasotzen ditugun mezuen ondorioz sortzen dira gehienak.

Pertsona batek gizarteko objektuei buruz (drogak, gure kasuan) garatzen dituen sinesmenek eragina dute bere jokabidean, eta objektu horren alde edo kontra jartzen dute. Beraz, sinesmenak ez dira neutralak, garrantzi praktiko eztabaidaezina dutelako.

Nire irizpideen arabera

Drogei dagokienez, mito, topiko eta uste irrazional asko daude, eta komenigarria da horiek guztiak zalantzan jartzea. Dokumentu honetan, mitoak izan daitezkeen edo izan ez daitezkeen zenbait baieztapen aurkituko dituzu. Erantzun zure iritziaren arabera.

   Iraupena: 30 min

Nire iritziak kontrastatzea

Nola uste duzu joan direla zure erantzunak? “Baliabideak” ataleko webguneetan, aurreko ariketa nola joan den jakiteko behar den informazio guztia aurkituko duzu. Elkartu zaitezte 4 edo 5 laguneko taldeetan, eta bila itzazue erantzun zuzenak. Sortu ezazue beste taula bat; bertan, aurreko ariketako baieztapenak desmitifikatzen lagunduko duten argumentuak idatzi behar dituzue.

   Iraupena: 60 min

Nondik datoz nire iritziak?

Iritzietan, elementu asko sartzen dira: emozioak, esperientziak, balioak, hurbileko pertsonak… Zeintzuk dira gehien eragiten dizuetenak? Talde txikietan elkartuta, eztabaidatu ezazue drogei buruzko iritzien jatorriari buruz.

Amaitzeko, idatz ezazu orrialde bateko narrazioa, kontatuz nola jar daitekeen zalantzan iritzi faltsu bat. Alegiazko narrazioa denez, pertsonaia errealak edo fikziozkoak sartu ditzakezu.

   Iraupena: 30 min

Nire iritziak kontrastatzea

Lan hauek ebaluatuko dira:

• 1. dokumentu indibiduala: mitoen taula.
• 2. dokumentu indibiduala: mitoak zuzentzeko taula.
• 3. dokumentu indibiduala: iritzi pertsonalei buruzko narrazioa.

Ebaluazio honetarako, puntu hauek hartuko dira kontuan:

• Gaiaren ulermena.
• Ideien originaltasuna.
• Hizkuntzaren erabilera ona (puntuazio-zeinuen erabilera, erabilitako hitzen aukeraketa zuzena, ortografia).
• Talde-lana.
• Denboraren erabilera lan bakoitzean.