Nerabezaroan, berdinen presioa nabarmendu beharra dago, batez ere. Lagunek presioa egiten dute taldean, talde-nortasuna sendotzeko asmoz.

Beraz, autoafirmazioan trebatzea beharrezkoa da, bakoitzaren iritziei eusteko gai izateko. Horretarako, eraginkortasunez komunikatzen ikasi behar dute, euren borondatea behar bezala adierazteko eta gainerakoak errespetatzeko.

Erabakitzea garrantzitsua denean

Erabakiak hartzeko prozesua eszenifikatuko dugu. Ez zaitez arduratu zure aktore-dohainengatik. Kontua animaziozko istorio bat sortzea da.

Elkartu zaitezte 4 edo 5 laguneko taldeetan, eta idatz ezazue elementu hauek bilduko dituen gidoia:

• Egoera: egoera bat pentsatu behar duzue. Bertan, protagonista zenbait presio jasotzen ari da, egin nahi ez duen zerbait egin dezan. Erabaki bat hartu behar duzu.
• Pertsonaiak: behar diren eta istorioan zentzua duten guztiak.
• Eszenak: istorioak 3 fase izan behar ditu:
• egoeraren aurkezpena (zer gertatu zaion uler dezagun),
• garapena (egoera aztertuko da eta erabaki bat hartuko da),
• amaiera (hartutako erabakiaren emaitza).
• Gehitu itzazue pertsonaien pentsamendu eta sentimenduak.

Idatz ezazue dena, animazioa sortzen hasi aurretik.

Irakur itzazue eskaintzen dizkizuegun loturak, animazioaren gaiari buruz gehiago jakiteko.

   Iraupena: 30 min

Animatuz

Orain badakizuenez zer egingo duzuen, sortu ezazue animazioa, “Baliabideak” atalean aurkituko duzuen aplikazioarekin.

Iraupena, gehienez ere, 3 minutukoa izango da.

   Iraupena: 60 min

Zinemaldia

Prestatu zaitezte animazio guztiak ikusteko. Egindako lanaz gozatzeko unea heldu da.

   Iraupena: 30 min

Erabakitzea garrantzitsua denean

Lan hauek ebaluatuko dira:

• Taldekako 1. dokumentua: istorioari eta elementuei buruzko idazketa.
• Taldekako 2. dokumentua: sortutako animazioa.

Ebaluazio honetarako, puntu hauek hartuko dira kontuan:

• Gaiaren ulermena.
• Ideien originaltasuna.
• Hizkuntzaren erabilera ona (puntuazio-zeinuen erabilera, erabilitako hitzen aukeraketa zuzena, ortografia).
• Talde-lana.
• Denboraren erabilera lan bakoitzean.